Si 6MARGA - MARGA SI ENEM KODEN Menanggapi kuso-kuso i pakpakonline, mengenai marga si enem koden, situhuna memang imo marga : Tumangger, Tinambunen, Pinayungen, Maharaja, Turuten ket Anakampun. Kum marga Boangmenalu ket Bancin, gabe merdengan sibeltek deket marga si 6 koden, imo ala lot perpadanen, antara marga Boangmenalu i Simsim nai ket marga Tumangger i Kelasen nai. Ceritrana mpung marga Boangmenalu, sada katika laus mi Kelasen, jadi isada bekas/kuta pejumpa ia ket marga Tumangger, tapi perjumpaen kalak i awalna oda mende, alana gabe mertenju mo kalaki sidua, selama 7 ari 7 berngin tapi oda lot ise talu, jadi kumerna nggo lejana kalak i. mertenju i oda lot ise natalu, ahirna merarih mo kalak i sidua, hasil perarihen kalak idi, gabe sada ranamo kalak i duana, gabe merkaka-merkuanggi (jadi abang-adek), enmo kesepakaten kalak idi. Janah kesepakaten/perpadanen kalak i marga Boangmenalu mo si kakaen/situaen, janah mersipentandaaen dengan sibeltekmo kalak i sidua, janah ibas perpadanen kalak i, ibuat mo sada lalu (antan), janah ipajekken kalak i siduamo lalu idi, ninginna sepakat kalak deket mendok rana kalaki duana, janah en mo isi ni rana padanna : Lalu (antan) enmo jadi bukti perpadanenta, ninginna idoken kalak i, mula idike sikalien tubuh lalu sinipajekkenta en, boimo kita mersibuaten, tapi kum oda tubuh sibeltekmo kita, deket dengan tubuhta karinana, janah oda boi mersibuaten berru ket anak kita kaduan niari. Janah ternyata ia lalu sinipajekken kalak i sidua odango tubuh, jadi imo dalanna asa gabe sibeltek Boangmenalu ket Tumangger ket karina dedahen kalak i sidua. Dedahen Boangmenalu, imo marga Bancin, dedahen marga Tumangger imo : Tinambunen, Pinayungen, Maharaja, Turuten ket Anakampun, jadi imo dasarna asa gabe merdengan sibeltek marga Boangmenalu , Bancin, Tumangger, Tinambunen, Pinayungen, Maharaja, Turuten ket Anakampun. sakat mibagendari. Janah enmo penulisen sibenar marga-marganta. Tapi kumerna guru-guru simengajar isikola arnia mbue dengan Teba, gabe lot mersalahen penulisen marga-marga sukunta Pakpak pada umumnya. Misalna : Boangmenalu isurat : Boangmanalu, marangpe gabe Boang Manalu, Berutu isurat : Barutu, Tumangger isurat Tumanggor, Anakampun isurat : Nahampun, ket mbue deng sidebaenna idi. Jadi bagi generasi muda bagendari nipingido ket harap asa setiap Penulisen Marganya ditulis dengan benar sesuai aslinya. Bagimo penjelasan bai nami nai, janah mula lot na kurang sppe, asa mersipesengeten kita, demi kemajuan idebtitas kita suku Pakpak Dairi. Njuah-njuah. Koden

MARGA - MARGA SI ENEM KODEN

Menanggapi kuso-kuso i pakpakonline, mengenai marga si enem koden, situhuna memang imo marga : Tumangger, Tinambunen, Pinayungen, Maharaja, Turuten ket Anakampun.
Kum marga Boangmenalu ket Bancin, gabe merdengan sibeltek deket marga si 6 koden, imo ala lot perpadanen, antara marga Boangmenalu i Simsim nai ket marga Tumangger i Kelasen nai.
Ceritrana mpung marga Boangmenalu, sada katika laus mi Kelasen, jadi isada bekas/kuta pejumpa ia ket marga Tumangger, tapi perjumpaen kalak i awalna oda mende, alana gabe mertenju mo kalaki sidua, selama 7 ari 7 berngin tapi oda lot ise talu, jadi kumerna nggo lejana kalak i. mertenju i oda lot ise natalu, ahirna merarih mo kalak i sidua, hasil perarihen kalak idi, gabe sada ranamo kalak i duana, gabe merkaka-merkuanggi (jadi abang-adek), enmo kesepakaten kalak idi. Janah kesepakaten/perpadanen kalak i marga Boangmenalu mo si kakaen/situaen, janah mersipentandaaen dengan sibeltekmo kalak i sidua, janah ibas perpadanen kalak i, ibuat mo sada lalu (antan), janah ipajekken kalak i siduamo lalu idi, ninginna sepakat kalak deket mendok rana kalaki duana, janah en mo isi ni rana padanna : Lalu (antan) enmo jadi bukti perpadanenta, ninginna idoken kalak i, mula idike sikalien tubuh lalu sinipajekkenta en, boimo kita mersibuaten, tapi kum oda tubuh sibeltekmo kita, deket dengan tubuhta karinana, janah oda boi mersibuaten berru ket anak kita kaduan niari.
Janah ternyata ia lalu sinipajekken kalak i sidua odango tubuh, jadi imo dalanna asa gabe sibeltek Boangmenalu ket Tumangger ket karina dedahen kalak i sidua. Dedahen Boangmenalu, imo marga Bancin, dedahen marga Tumangger imo : Tinambunen, Pinayungen, Maharaja, Turuten ket Anakampun, jadi imo dasarna asa gabe merdengan sibeltek marga Boangmenalu , Bancin, Tumangger, Tinambunen, Pinayungen, Maharaja, Turuten ket Anakampun. sakat mibagendari.
Janah enmo penulisen sibenar marga-marganta. Tapi kumerna guru-guru simengajar isikola arnia mbue dengan Teba, gabe lot mersalahen penulisen marga-marga sukunta Pakpak pada umumnya. Misalna : Boangmenalu isurat : Boangmanalu, marangpe gabe Boang Manalu, Berutu isurat : Barutu, Tumangger isurat Tumanggor, Anakampun isurat : Nahampun, ket mbue deng sidebaenna idi.
Jadi bagi generasi muda bagendari nipingido ket harap asa setiap Penulisen Marganya ditulis dengan benar sesuai aslinya. Bagimo penjelasan bai nami nai, janah mula lot na kurang sppe, asa mersipesengeten kita, demi kemajuan idebtitas kita suku Pakpak Dairi. Njuah-njuah.